لينين

ڤلاديمير إليتش اوليانوڤ لينين المشهور بلينين ولد يوم 22 ابريل عام 1870 و توفي يوم 21 يناير 1924). كان ثورى روسى و زعيم الحزب البلشفى و حزب العمل الاشتراكى الاجتماعى وأسس المذهب اللينينى السياسى. لينين رفع شعار "الارض والخبز والسلام". كان اول رئيس للاتحاد السوڤييتى بعد الثوره البلشيڤيه اللى قادها سنة 1917.

حكمه

• مسك لينين الحكم وكانت الحرب العالميه الاولى لسه شغاله و روسيا خسرت جزء كبير من ارضيها الغربية فى الحرب وعرف يطلع روسيا باقل خسائر ممكنة وحصلت حرب اهلية كبيرا فى روسيا ما بين البلشفه الشوعيين والليبراليين و الاشتراكيين و انصار الحكم القيصرى و اتعرفت باسم الحرب الاهليه الروسيه (من 1917 لحد 1923) اللى اسس فيها لينين الجيش الاحمر و قدر ينتصر على المعارضين والثوار وينفرد بالحكم. لينين كمان صدر افكاره الاشتراكية الثورية بالجيش الاحمر (اللى بقى لقب الجيش السوفيتى الروسى) لما غزا بولندا لما دخلت فى حرب مع اوكرانيا فى سنة 1920.

• بعد كدا عاز لينين يصدر الثورة لغرب اوروبا ولفرنسا والمانيا بالتحديد, بس محاولاته فشلت عشان الثورات المضادة اللى كانت بتحصل.فى 30 اغسطس 1918 بعد ما لينين خلص اجتماع من اجتمعاته وهو طالع رايح لعربيته قربت منه واحدا اسمها "فانيا كابلان" وناديت عليه ولما بصلها راحت ضربت عليه تلات رصاصات من مسدسها واحدا اصابته فى كتفه والتانيه فى رئته والتالته موصلتلوش. لينين ركز فى مارس 1921 على انه يعمل اصلاحات داخليه فى روسيا و شجع الاعمال الزراعيه والصناعيه الصغيرة والمشروعات الصناعيه و ابتدىء يحصل تحسن اقتصادى فى روسيا بس حصلت ثورة البحارة الروس اللى كانوا ساعدوه فى الثوره البلشيفيه وكانوا معه فى الحرب الاهليه الروسيه, بس قالبوا عليه وشافوا ان لينين والبلشفيين بقوا ديكتاتوريين و ان حلم الحرية والديموقراطيه اللى سعدوه لينين انه يقوم بثورته مش بيتحقق فقاموا بثورة ضده و انضموا لليبراليين و بقية معارضين نظام لينين فى الحرب الاهليه ثورة البحارة دى عطلت حاجات كتيره منها الاصلاحات اللى كان بيعملها لينين,

• وساهمت فى سيطرة الجيش الابيض لاجزاء كتيره فى روسيا و كانت حتوصلهم انهم يستولوا على الحكم لولا تدخل لينين والبلشفيين فى الوقت المناسب. مجهود لينين الجامد وشغله المتواصل و محاولة الاغتيال اثرت على صحته وجيتله جلطه فى مايو سنة 1922 شلّت نصف جسمه اليمين وقللت من مشاركاته السياسية. و على شهر ديسمبر من نفس السنة, جيتله جلطة تانية لينين وقتها امرت الادارة السياسيه ان لينين يبعد عن الاضواء ويقلل مشاركته السياسيه اكتر. فى مارس 1923 جيتله جلطه تالته قعدته فى السيرير وما بقاش يتحرك ولا يقدر يتكلم و فى 21 يناير 1924 جيتله الجلطه الرابعه واللى كانت القاضيه ومات بعدها. كان رجلا مميزا ..

كتبه

•    تطور الراسماليه فى روسيا
•     الامبرياليه اعلى مراحل الراسماليه
•    الدولة والثورة