وظيفة عمود الكرنك

إنه يحول الحركة الترددية لحركة دائرية وبيتركب علي نهايته ترس الفولام وعلي النهاية التانية منه ترس التقسيمة.

وظيفة عمود الكامات

إنه يفتح ويقفل الصبابات ويشغل رداخ طلمبة البنزين أو طلمبة الزيت في بعض العربيات.

وظيفة الصبابات وسوست الصبابات والدلايل

قبل ما نقول وظيفة الصبابات لازم في البداية نعرف إنها بتتقسم لشقين :-

• صبابات السحب ودي اللي بتفتح عشان تدخل شحنة الهوا والبنزين للإسطوانة وبعدين بتتقفل مرة تانية.
• صبابات العادم ودي اللي بتفتح عشان العادم الناتج من الحريق يخرج من الإسطوانة وبعدين برضو بتتقفل مرة تانية.

أما بقي وظيفة السوست إنها بتشد الصباب عشان يقفل لما عمود الكامة يسيبه أما وظيفة دلايل الصبابات إنها بتخلي الصباب يتحرك في إتجاه واحد وبرضو وظيفتها إنها تمنع الحركة العرضية عشان الصباب يفتح ويقفل في مكانه وفي نفس الوقت بيركب عليها جوانات عشان تمنع تسريب الزيت.

وظيفة الكاربيراتير

الكاربيراتير بيخلط البنزين مع الهوا حسب حالة المكنة وبنسب معينة سواءّ في حالة الحمل أو اللاحمل أو التسارع من الصفر.

النقطة الميتة العليا والنقطة الميتة السفلي

• النقطة الميتة العليا دي تعتبر أقصي نقطة في الإسطوانة بيوصلها البستم.
• النقطة الميتة السفلي دي تعتبر أقل نقطة في الإسطوانة بيوصلها البستم عرض أقل