طريقة عمل الفشار بدون زيت :

المكوّنات

• 6 ملاعق ذره فشار
• 8 ملاعق ماء
• ملح (حسب الرغبه)

الخطوات

• نضع الماء في حله تيفال لحد ما تبدأ تغلى

• نضيف الذره و الملح و نقلب لحد ما تنشف الماء و يبتدي يتغير لون الذره

• غطى الحله شويه و يبدأ يطأطأ و استمري في تحريك الحله لحد تمام التسويه و بالهنا و الشفا

طريقة عمل فشار بالجبنه:

المكوّنات

• 1/2 كوب ذره فشار
• ملعقتين سمنه
• طعم الجبنة توابل توجد في الماركت

الخطوات

• في إناء على النار ضعى السمنه و ذره الفشار واغلقى الاناء جيداً وهدى النار

• وعندما ينتهى صوت طرقعه الفشار اغلقى النار واسكبيه في إناء واسع ورشى عليه توابل الجبنة وبالهنا

طريقة عمل فشار بالكراميل:

المكوّنات

• فشار
• كوب سكر
• ماء
• فانيلا
• كربوناتو

الخطوات

• نعمل الفشار عادي

• حله تانيه ع النار نحط نص كوب سكر وحبه ماء يدوب السكر يتبل بس ونقلب لحد ما ياخد اللون الدهبي

• ونرفعه من ع النار ونرش رشه فانيلا وربع معلقه صغيره كربوناتو هيعمل فوران ننزل عليه بالفشار ونقلب بسرعه عشان بيجمد وبالف هنا